Açıq Cəmiyyət İnstitutu - Yardım Fondu (ACİ-YF) açıq cəmiyyəti inkişaf etdirmək və ona yardım göstərmək məqsədilə 1996-cı ilin dekabrında Azərbaycanda yaradılmış qeyri-hökumət və qeyri-kommersiya təşkilatıdır.
Açıq cəmiyyət konsepsiyasının təkidinə görə, heç bir şəxs mükəmməl bilik sahibi ola bilməz. Açıq cəmiyyət qanunun aliliyinə, demokratik üsulla seçilmiş dövlətin, fəal vətəndaş cəmiyyətinin, azlıqların düşüncə tərzinə hörmət mövcudluğuna və bazar iqtisadiyyatına əsaslanmış cəmiyyətlər deməkdir.
ACİ-YF-nun Azərbaycan üçün nəzərdə tutulan vəsaitlərinin əsas mənbəyini məşhur sahibkar və xeyriyyəçi Corc Sorosun investisiyaları təşkil edir.
Fəaliyyətin başlanğıcından bu günədək ACİ Azərbaycanda təxminən 15 milyon ABŞ dolları məbləğində vəsait xərcləmişdir. Aşağıdakı cədvəl bu vəsaitlərin 1997-ci ildən başlayaraq hər ilə aid qrantların sayını və onlara xərclənmiş məbləğləri göstərir:
1997-ci il - 114 qrant - $187.169
1998-ci il - 382 qrant - $871.025
1999-ci il - 559 qrant - $1.036.451
2000-ci il - 569 qrant - $1.400.656
2001-ci il - 394 qrant - $1.678.107
ACİ-YF informasiyanın azad təminatı, təhsil vasitəsilə gəncliyin rolunun artırılması və vətəndaş cəmiyyətinin inkişafı yönündə səylərini davam etdirir.
İnformasiya və İnternetin Azərbaycanda inkişafına dair Fond pulsuz İnternet istifadəsi məntəqələrinin yaradılması, internet resurslarının yaradılması kursları, kitabxanaların inkişafı və təminatı kimi bir sıra uzunmüddətli layihələri Bakıda və Azərbaycanın bir sıra rayonlarında həyata keçirir.
Açıq Cəmiyyət İnstitutu Yardım Fondunun fəaliyyətinin coğrafiyası demək olar ki, Azərbaycanın bütün ərazisini əhatə edir. Gəncə, Mingəçevir və Lənkəranda Təhsil İnformasiya Mərkəzləri fəaliyyət göstərir. Belə bir Mərkəzin Naxçıvanda da təşkil edilməsi nəzərdə tutulur.
Proqramların daha bir qrupu təhsilə həsr olunub. Məktəbəqədər, ibtidai və orta təhsil sahəsində "Addım-Addım" və Tənqidi Təfəkkürün inkişiafı üçün Mütaliə və Yazı (TTIMY) proqramları inkişaf etdiririlir. Xüsusi vüsət almış "Addım-Addım" layihəsi öz fəaliyyətini 1998-ci ildə başlayaraq, Azərbaycan paytaxtının, rayon mərkəzlərinin və kəndlərin 35 orta məktəb və 52 uşaq bağçasında tətbiq olunmuşdur. Ali məktəb və universitet səviyyəsində digər proqramlar "Debatlar", tarix dərsliklərinin hazırlanmasına, tədris planları islahatına və müəllim təhsilinə yönəldilmişdir. Belə ki, "Debatlar" proqramı Qəncə, Lənkəran, Mingəçevir, Şəki, Sumqayıt, Şamaxı, Qax, Astara və Xanlarda uğurla fəaliyyət göstərir.
Vətəndaş cəmiyyətinin inkişafı proqramları ACİ-YF üçün üçüncü əsas istiqaməti təşkil edir. Burada əsas diqqət 1999-cu ildən hüquq islahatları üzrə hüquqi təhsil, yerli özünüidarəetmə və hüquqi informasiya sahələrinə verilmişdir.
QHT-lərin müxtəlif sahələrdə fəaliyyəti Fond tərəfindən dəstəklənməkdədir. Bundan ötrü Fondun səhiyyə, hüquq, KİV, qadınlar, mədəniyyət və incəsənət proqramları fəaliyyət göstərirlər.
Açıq Cəmiyyət İnstitutu şəffaflıq prinsiplərinə sadiq olaraq, görülmüş işlər barədə cəmiyyət qarşısında müntəzəm hesabatlar verir və aşağıdakı cədvəli təqdim edir:
PROQRAMLAR ÜZRƏ ÜMUMİ XƏRCLƏR 2001-ci il
| ABŞ dolları ilə |
 |
| PROQRAMLAR | XƏRCLƏR |
|
| Təhsil Proqramları | 790,791 |
| İngilis dili Proqramları | 105,346 |
| Gənclik Proqramları | 165,668 |
| Şərq-Şərq Proqramları | 97,379 |
| Elmi səfərlərin maliyyəşdirilməsi haqqında məlumat | 18,572 |
| İnformasiya Proqramları | 514,087 |
| Səhiyyə Proqramları | 209,674 |
| İqtisadi islahat proqramı | 29,990 |
| İncəsənət və Mədəniyyət Proqramları | 172,971 |
| Kütləvi informasiya Proqramları | 127,142 |
| Yerli Özünüidarəetmə Proqramları | 14,487 |
| Hüquq | 188,356 |
| Ədalət mühakiməsi | 3,712 |
| Qadın Proqramları | 165,493 |
| Vətəndaş cəmiyyəti Proqramları | 57,633 |
|
| CƏMİ | $2,661,301 |
ACİ-YF öz fəaliyyəti haqqında daha ətraflı məlumat vermək üçün iyul ayında mətbuat konfransı keçirməyi nəzərdə tutur.
