Açıq Cəmiyyət İnstitutu -Yardım Fondu Icraçı Direktorun
"4" oktyabr 2006-cı il tarixli
"Şikayət Komitəsinin yaradılması barədə"
49 #-li ƏMRi

İdarə Heyətinin 24 may 2006-cı ildə təstiq etdiyi "ACİ-YF qərarları və Fondun icra tədbirləri haqda şikayətlərə baxılması qaydaları"nın icrası üçün aşağıdakı tərkibdə daimi fəaliyyət göstərən Şikayət Komitəsi yaradılsın:

1. Raşid Hacılı-ACİ-YF İdarə Heyətinin üzvü
2. Esmiralda Ağayeva -ACİ-YF Ekspert Komitəsinin üzvü
3. Rövşən Bağırov -ACİ-YF KİVİ/İctimai Əlaqələr direktoru

Əlavə: ACİ-YF qərarları və Fondun icra tədbirləri haqda şikayətlərə baxılması qaydaları

Fərda Əsədov
İcraçı Direktor
ACİ-YF

ACİ-YF qərarları və Fondun icra tədbirləri haqda şikayətlərə baxılması qaydaları

1. Qəbul edilmiş qərarlar və ACİ-YF İdarə Heyəti və Komitələrin fəaliyyətlərinə dair əlavə sorğular Proqram koordinatorları və İcraçı Direktora şifahi və yazılı şəkildə ünvanlandırıla bilər. Yazılı sorğulara məktubla izahat verilir.
2. İzahatlar müraciətçini qane etmədiyi halda yazılı şikayətlər ACİ-YF Şikayət Komisiyassına təqdim edilməlidir. Şikayət məktubu İcraçı Direktora ünvanlanmalı və xüsusi şikayət qeydiyyatından keçməlidir.
3. Şikayət Komissiyası məsələyə aid araşdırmaların aparılması ilə əlaqədar İcraçı Direktora tapşırıq verir və bir ay müddətində məsələyə baxıb qərarını müraciətçiyə məktubla çatdırır.
4. Şikayət Komissiyasının tərkibi ACİ-YF İdarə Heyətində bir il müddəti səlahiyyətilə təsdiqlənir və bir komissiya üzvü, bir İdarə Heyəti üzvü və bir Proqram Direktoru tərkibində müəyyənləşir. Şikayət Komissiyasının təsdiqi haqda ACİ-YF İH-nə təqdimatı İcraçı Direktor həyata keçirir.
5. Şikayət Komissayası üzvünün qaldırılmaş şikayətə aidiyyati olduqda İcraçı Direktor İdarə Heyəti qarşısında Şikayət Komissiyasınin həmin üzvünün müvafiq ərzəyə baxılması müddətində əvəz olunması haqda vəsatət qaldırır.
6. Müraciətçi Şikayət komissiyasının qərarına baxılması haqda ACİ Beynəlxalq Ombudsmeninə şikayətlə müraciət edə bilər. Şikayət Komissiyasının məktubunu aldıqdan sonra bu niyyətində olduğunu müraciətçi ACİ-YF ictimai ələqələr üzrə işçisinə bildirməli, və şikayətin təqdim olunması haqda ondan hansı ünvana, nə dildə və nə tərzdə şikayətin tərtibi haqda tövsiyələri almalıdır.