Azərbaycan Respublikasının Avropa Şurasına üzv olduğunu və bununla əlaqədar olaraq İnsan haqları və əsas azadlıqları üzrə Avropa Konvensiyası tələblərinin Azərbaycan Respublikası ərazisində əməl edilməsinin zəruri olduğunu nəzərə alaraq, Açıq Cəmiyyət İnstitutu - Yardım Fondu hüquqi tədqiqatlar və maarifləndirmə sahəsində birgə layihələri dəstəkləmək niyyətindədir.
Layihənin şərtləri aşağıdakılardır:
- Layihə yalnız Bakı şəhərini deyil, həm də Azərbaycanın başqa bölgələrini əhatə etməlidir;
- Layihəni həyata keçirəcək təşkilatın Azərbaycan Respublikasının dövlət orqanları, insan haqlarının müdafiəsi üzrə beynəlxalq təşkilatlar və yerli qeyri - hökumət təşkilatları ilə işçi əlaqələri olmalıdır;
- layihənin icra müddəti bir ildən çox olmamalıdır;
- layihənin büdcəsi ərizəçi tərəfindən müəyyənləşdirilməlidir.
Müsabiqədə dövlət, hüquq sahəsində çalışan ictimai və elmi - tədqiqat təşkilatları iştirak etməyə dəvət olunurlar.
Avropa Şurasında üzv olan Şərqi Avropa ölkələrinin birinin təcrübəsi əsasında eyni sahədə çalışan təşkilatla birgə iş aparmağı nəzərdə tutan layihələrə üstünlük veriləcək.
Layihələr 2002-ci ilin yanvarın 11-dək qəbul ediləcəkdir
Müsabiqədə iştirakınıza görə əvvəlcədən təşəkkürümüzü bildiririk.
Ərizə formasını təgdim etmək və aid olan tələblər üçün zəhmət olmasa bu ünvana müraciyyət edin:
Açıq Cemiyyət İnstitutu Yardım Fondu-Azərbaycan
Ünvan: Xəqani küç. 1, 4-cü mərtəbə
Tel: 98-69-10, 98-69-33
Fax: 98-69-34
E-mail: office@osi-az.org
