MÜSABİQƏ

Azərbaycan Respublikası Təhsil Nazirliyi
və
Açıq Cəmiyyət İnstitutu-Yardım Fondunun

Dərsliklərin qiymətləndirilməsi və nəşri üzrə birgə layihəsi.

     Azərbaycan Respublikası Təhsil Nazirliyi və Açıq Cəmiyyət İnstitutu-Yardım Fondu ümumtəhsil məktəbləri üçün yeni dərsliklərin, müəllimlər üçün vəsaitlərin və iş dəftərlərinin yazılması və nəşri üzrə müsabiqə elan edir.

1. Naşirlər arasında müsabiqə aşağıdakı fənnlər üzrə keçirilir:
   

   1. Azbuka - rus məktəbləri I sinif	Dərslik
   	Müəllim üçün vəsait
   	İş dəftəri
   2. İngilis dili - VII sinif	Dərslik
   	Müəllim üçün vəsait
   	İş dəftəri
   3. Fransız dili - VII sinif	Dərslik
   	Müəllim üçün vəsait
   	İş dəftəri
   4. Riyaziyyat - VII sinif	Dərslik
   	Müəllim üçün vəsait
   5. Ümumi biologiya - X-XI siniflər	Dərslik
   	Müəllim üçün vəsait

   
   
2. Müsabiqədə iştirak etmək istəyən nəşriyyatlar 4-10 yanvar 2002-ci il tarixlərində ərizə ilə müraciət etməklə sənədlərlə tanış ola bilərlər. Müsabiqə iştrakçıları mövcud tədris planı üzrə standartların toplusunu və qiymətləndirmə meyarlarını özündə cəmləşdirən iştiraketmə sənədlərinin tam komplektini ödənişsiz əldə edə bilərlər.
3. Müsabiqədə iştirak etmək istəyən nəşriyyatlar 10-15 yanvar 2002-ci il tarixlərində suallarını yazılı surətdə bildirə bilərlər.
4. Müsabiqədə iştirak etmək istəyən nəşriyyatlar öz suallarına cavab almaq üçün 22 yanvar 2002-ci ildə seminarda iştirak edə bilərlər.
5. Müsabiqədə iştirak etmək istəyən nəşriyyatlar sənədlərini 31 may 2002-ci il saat 12:00-a kimi təqdim etməlidirlər. Müvafiq sənədlər qəbul olunandan sonra heç bir dəyişiklik qəbul olunmur.
6. Müsabiqənin qalibi Dərsliklərin Qiymətləndirilməsi və Təsdiqi üzrə müstəqil Şura tərəfindən müəyyənləşdiriləcək. Qalib dərsliklərə Təhsil Nazirliyi tərəfindən istifadə üçün qrif veriləcək.
7. Müsabiqədə qalib gəlmiş dərsliklərin nəşri 2003-cü il iyulun 1-nə qədər başa çatdırılmalıdır.

Təşkilat komitəsinin ünvanı:
Təhsil Nazirliyi Dərslik, mətbuat və nəşriyyat şöbəsi
Birgə layihə üzrə Dərslik koordinasiya komitəsi
Bakı 370008
Xətai prospekti, 49