MÜSABİQƏ

Açıq Cəmiyyət İnstitutu-Yardım Fondu
Şərq Şərq Proqramı çərçivəsində
layihələr üzrə müsabiqə elan edir

Şərq Şərq proqramı vətəndaş cəmiyyətinin inkişafı sahəsində çalışan qeyri-hokümət təşkilatlarının beynəlxalq əməkdaşlığına dəstək verir. Proqramın məqsədi keçid dövrü cəmiyyətlərində ictimai yeniliklər sahəsində səmərəli iş və əməli təcrübələrin yayılması üçün birgə layihələri həyata keçirmək və bununla müxtəlif cəmiyyətlərdə bənzər problemlərin həlli üçün zəmin yaratmaqdır.

Müsabiqədə vətəndaş cəmiyyətinin və demokratik islahatların inkişafına yönəlmiş aşağıdakı mövzulara uyğun olaraq layihələr qəbul ediləcək:

• İnsan Haqları üzrə qeyri-hökumət təşkilatlarının yerli şəbəkələrinin formalaşması və inkişafı (seminarlar, treninqlər)
• Sosial problemlərin həllində vətəndaş kampaniyalarının təşkili təcrübəsi və Azərbaycan şəraitində onun reallaşdırılması (seminarlar, treninqlər)
• Qloballaşma və Azərbaycan (seminarlar, treninqlər)

Soros fondları şəbəkəsi ölkələrindən xarici tərəfdaş təşkilatın olması şərtdir.

Şərqi Avropa ölkələrinin birində eyni sahədə çalışan təşkilatla birgə iş aparmağı nəzərdə tutan layihələrə üstünlük veriləcək.

Layihələr 2003-cü ilin dekabrın 15-dək qəbul ediləcəkdir.
Layihələrin icrası 2004-cü ilin aprel ayından tez olmayaraq başlanmalıdır.

Müsabiqədə iştirakınıza görə öncədən təşəkkürümüzü bildiririk

Qeyd: Şərq Şərq proqramı əmək haqqı və avadanlığın verilməsini nəzərdə tutmur. Proqram haqqında əlavə məlumatı noyabrın 11-də ve 18-də saat 16.30-dan 17-30-dək proqramın koordinatoru Gülnura Mehdidən almaq olar.

Ünvan:
Bakı, H. Əliyev küç., 117A, qəbul otağı, tel: 98 69 10, 98 69 33 (314)
Gəncə, Mirəli Qaşqay, 10, tel: 56 30 25, 56 30 26
Mingəçevir, D. Əliyeva Küç., 1, tel: 5 47 86