"MƏDƏN SƏNAYESİNDƏ ŞƏFFAFLIĞIN ARTIRILMASI"
KOALİSİYASININ YARADILMASI HAQQINDA
MEMORANDUM

Bakı şəhəri, 13 may 2004-cü il

Koalisiya haqqında Əsasnamə

Biz, Azərbaycan qeyri-hökumət qurumlarının aşağıda imzası olan nümayəndələri, ölkənin təbii sərvətlərinin istismarından əldə edilən gəlirlərə və onların istifadəsinə ictimai nəzarəti təşkil və təmin etmək üçün "MƏDƏN SƏNAYESİNDƏ ŞƏFFAFLIĞIN ARTIRILMASI" Koalisiyasında birləşməyimizi bəyan edirik.

Bizim bu təşəbbüsümüz Azərbaycan Respublikası Konstitusiyasının “Hakimiyyətin mənbəyi” (1-ci maddə), “Təbii ehtiyatlar” (14-cü maddə), “Məlumat azadlığı” (50-ci maddə), “Dövlətin idarə olunmasında iştirak” (55-ci maddə) və “Birləşmək hüququ” (58-ci maddə) maddələrinə əsaslanır.

Koalisiyanı yaratmaqda məqsədlərimiz:

• Təbii sərvətlərin istismarından əldə olunan və Azərbaycanın payına düşən gəlirlərin tam həcmdə dövlətə çatması, onların etibarlı saxlanması və səmərəli istifadəsinə ictimai nəzarətin təşkili və həyata keçirilməsi;
• Təbii sərvətlərin istismarı və əldə olunan gəlirlər barədə Azərbaycan vətəndaşlarının məqbul səviyyədə məlumatlandırılması üçün müvafiq tədbirlərin həyata keçirilməsi və o cümlədən dövlət orqanları və şirkətlərin bu sahədə fəaliyyətinə ictimai nəzarətin təşkili və həyata keçirilməsi;
• vətəndaş cəmiyyəti institutlarının şəffaflıqla bağlı səylərinin birgə fəaliyyət formasında keçirilməsi və onların sayəsində ictimai fəallığın yüksəldilməsi;
• Böyük Britaniya hökumətinin elan etdiyi və Azərbaycan hökumətinin qoşulduğu “Mədən sənayesində şəffaflıq təşəbbüsü”ndə Azərbaycan ictimai qurumlarının təmsil edilməsidir.

Fəaliyyət prinsiplərimiz:

Əməkdaşlığa açıqlıq. Koalisiya istənilən dövlət, qeyri-hökumət qurumları, KİV-lər, beynəlxalq QHT, ictimai xadimlər, alimlər, mütəxəssislər və sairə ilə əməkdaşlıq etməyə hazırdır.

Qeyri-məhdud üzvlük. İstənilən QHT və fiziki şəxsi Koalisiyanın üzvü ola bilər.

Şəffaflıq. Koalisiyanın fəaliyyəti cəmiyyət üçün tam şəffaf və açıq olacaq.

Dəqiqlik. Koalisiya bütün mülahizə və qərarlarında çalışacaq ki, dəqiqlik maksimum dərəcədə təmin edilsin və söylənilən rəylər, verilən bəyanatlar və qiymətləndirmələr dəqiq məlumatlara və dərin təhlillərə əsaslansın.

Siyasi məqsədlərdən uzaqlıq. Koalisiya siyasi məqsədlər güdən heç bir fəaliyyətdə iştirak etməyəcək.

Qanunilik. Koalisiyanın fəaliyyəti Azərbaycan qanunvericiliyi çərçivəsində həyata keçirilir.

Quruluş və fəaliyyətin tənzimlənməsi

Koalisiyanın quruluşu və fəaliyyətinin tənzimlənməsi Koalisiyanın Əsasnaməsində öz əksini tapır və bütün Koalisiya üzvləri tərəfindən rəhbər tutulur.

Koalisiyanın üzvləri:

Sabit Bağırov	İqtisadi və Siyasi Araşdırmalar Mərkəzi
İnqilab Əhmədov	İctimai Maliyyə Monitorinqi Mərkəzi
Qubad Ibadoglu	İqtisadi Tədqiqatlar Mərkəzi
Mayis Güləliyev	Vətəndaş Təşəbbusləri Mərkəzi
Himayət Rizvanqızı	“Himayədar”
Sevgim Rəhmanov	Tacirlər və İstehsalçılar Birliyi
Mirvari Qəhrəmanlı	Neftçilərin hüquqlarının müdafiə komitəsi
Fəridə Hüseynova	Yaşıllar hərəkətı
Telman Zeynəlov	Milli Ekoloji Proqnozlaşdırma Mərkəzi
Sevil İsayeva	Ekoleks
Saleh Hüseynov	Aqroeko Konsaltinq Mərkəzi
Əvəz Həsənov	Humanitar Tədqiqatlar Cəmiyyəti
İlham Əliyev	Gəncə Kəpəz Bələdiyyəsi
Aslan Vəliyev	HVA Reqional bölgəsi (Gəncə)
Razi Nurullayev	Demokratik Islahatlar Ugrunda Cəmiyyət
Nadir Adilov	Gənc Hüquqşünaslar Birliyi
Ruslan Sədirxanov	Vençur layihələri iştirakçıları Asos.
Osman Qunduzov	Multimediya İnformasiya və Texnologiya mərkəzi
Tarverdiyeva Yeqanə	İHQMB
Sahib Məmmədov	Vətəndaşların əmək hüquqlarını müdafiə liqası
Kəngərli T.N.	"Çevrə" Davamlı İnkişafa Yardım İctimai Birliyi
Fəqan Əliyev	Beynəlxalq Ekoenergetika Akademiyası
Altay Zahidov	İnsan Hüquqları XXİ əsr-Azərbaycan Fondu
Rövşən Novruzov	Gəncə Uşaq Fondu
Azər Mehtiyev	"Ekspert" esonomik jurnalı
Camal Məmmədov	"Bilik" Gəncə
Nazim İbadov	"Buta" Humanitar Uşaq Fondu
Nuri Nuriyev	Azərbaycan Maarifçi Gənclər Təşkilatı Sabunçi şöbəsi
Saadət Bənənyarlı	Beynəlhalq İnsan Hüquqları Cəmiyyətinin Milli Qruppu
Ənvər Səfər-zadə	Crude Accountability (fiziki şəxs)
Samir İsayev	Fiziki şəxs
N.Ağayev	Fiziki şəxs