Açıq Cəmiyyət İnstitutu, Soros Fondları şəbəkəsinin təsisçisi və rəhbəri Corc Soros mayın 29-da Azərbaycana səfəri zamanı Açıq Cəmiyyət İnstitutu-Yardım Fondunun Bakı ofisində olub. ACİ-YF-da çalışan işçi heyətlə görüşən cənab Soros yerli təmsilçiliyin həyata keçirdiyi proqramlar və gördüyü işlərlə maraqlanıb.
Heyətlə görüşü zamanı Corc Soros Azərbaycana səfərinin əsas məqsədindən danışıb, prezident cənab Heydər Əliyevlə keçirdiyi görüş barədə məlumat verib. Azərbaycanın gələcəyi barədə xoş sözlər deyən Soros Fondları şəbəkəsinin rəhbəri onu da qeyd edib ki, ACİ-YF bundan sonra da fəaliyyətini davam etdirəcək. O, fondun həyata keçirdiyi proqramların perspektivi ilə bağlı yerli təmsilçilərlə fikir mübadiləsi aparıb.